Шатахууны үнэ орон даяар хямдарна

Шатахууны үнэ дахин хямдарна гэсэн сайн мэдээг Ерөнхий сайд Н.Алтанхуяг өчигдөр сэтгүүлчидтэй уулзах үеэрээ мэдэгдлээ.

Ирэх сарын 10- ны дотор орон даяар шатахууны үнийг 50 төгрөгөөр хямдруулахаар болж, бэлтгэл ажлыг Засгийн газар, холбогдох газрууд хангаж байна.

Энэ нь Засгийн газрын Монголбанктай байгуулсан үнэ тогтворжуулах хөтөлбөрийн хүрээнд хэрэгжүүлж буй арга хэмжээ юм байна.

Увс аймагт шатахууны үнэ 80 төгрөгөөр хямдарсан. Цаашид бүх аймагт шатахууны үнэ хямдарч, үүнийг дагаад өргөн хэрэглээний барааны үнэ ч тогтворжино гэж үзжээ.

М.Ган