ТЭТГЭВЭР гэдэг нь нийгмийн даатгалын хууль тогтоомжид заасны дагуу өндөр насны, хөдөлмөрийн чадвар алдсаны, тэжээгчээ алдсаны тэтгэвэр авах эрх үүссэн даатгуулагч, хүнд сар бүр олгох мөнгөн хөрөнгийг хэлнэ.

Тэтгэврийн даатгалын сангаас даатгуулагчид тогтоож олгох тэтгэвэр нь дор дурдсан 3 төрөлтэй байна. Үүнд:

    Өндөр насны тэтгэвэр
    Хөдөлмөрийн чадвар алдсаны тэтгэвэр

    Тэжээгчээ алдсаны тэтгэвэр

Өндөр насны тэтгэвэр тогтоолгоход дараах бичиг баримтыг бүрдүүлнэ.

1. Хөдөлмөрийн дэвтэр (шаардлагатай бол архивын лавлагаа, тушаалын хуулбар )
    
2. Нийгмийн даатгалын дэвтэр
    
3. Дараалсан 5 жилийн цалингийн тодорхойлолт (сүүлийн 20 жилийн дотор)
    
4. Тэтгэвэр тогтоолгох тухай хувийн өргөдөл (гараар бичих)
    
5. Цээж зураг (3*4) 2 хувь
    
6. Иргэний үнэмлэх хуулбар
    
7. Хүүхдийн гэрчилгээний хуулбар (хүүхдээр хөнгөлөлттэй тогтоолгож буй эхчүүд)
    
8. Ажлаас чөлөөлөгдсөн тушаал (хөдөлмөр эрхэлж байгаа даатгуулагчид хамаарна)
    
9. Hөхцөлийн тодорхойлолт (хөдөлмөрийн хэвийн бус нөхцөлд ажиллаж байсан хүмүүст хамаарна.
10. Шаардлагатай тохиолдолд 1991-1994 оны НДШ төлсөн тодорхойлолт ……….дүүргийн НДГ-ын архиваас авах.
     
11. Цэргийн  архивын лавлагаа
     
12. Багийн засаг даргын тодорхойлолт

huvsgul.ndaatgal.mn